بير دانشماق ايكي نفر آراسيندا:
بيرينجي نفر: سحرين آيدين! گلديم گؤرم آناج يومورتاسي وارين؟
ايكينجي نفر: بخته ور اولاسان! هله آياق قابيلارين چيخارد اوتور بير آز خوش بئش ائلييك. باخ گؤروم قاليان آلتي(آغيزليق، صبحانه) يئميسن؟
بيرينجي: هن يئميشم. گلينين نه سومسونور؟
ايكينجي: ايكي گوندو ديغاسي آليزلاييب*، ويرنيخير* بير زاد تاپيب اونو توختادا.
بيرينجي: بالا! بير ذرّه به ره نه* سويوندان توك بير تپه جكلي* دنگيلييه قوي قيبله يؤنونده* اولان كووله يه* يا دا بيرهاچا دان* آسلا بير گوندن سونرا بير جينقوو* دوروشقادا* وئر ايچسين ياخشي اولار اين شاآللاه!
ايكينجي: داها نه اولاي؟* قاش قويوبسان! يئني* چالما* چالميسان! سيرغالارين* دا قوتلو* اولسون. لاپ ماميلي ماتان* اولوبسان!
بيرينجي: اوغلان اميراز* قويماق ايچين آواش* گئديبدير. آخشام چاغي اونون ايچين ائلچي لييه گئده جه ييك.
ايكينجي: آخي اونون آغزيندان سود ايي گلير! كيمين قيزي دير؟ ائله ايسه بير الين ياغدا دير، بير الين بال دا!
بيرينجي: كووخانين* قيزي دير. آلا ايت دن مشهوردو. اوغلان دئيير: اولدو وار دؤندو يوخ.
ايكينجي: بالا! بؤيوك باشين بؤيوك ده بلاسي اولار. كبين دانيشماقدا يوكوزو توتماسينلار بالا! شرطي شوخومدا كسين! آياغيزي يورقانيزا گؤره اوزالدين! بخته ور اولسونلار!
بيرينجي: جانيم يانسين! ائله قيزيشديق دانيشماغا كي، گون اورتا اولدو. هله پيشميش قويماميشام! اوشاقلارين ده ده سي ايندي گليب سه سين آتار باشينا.
ايكينجي: يومورتالار ياددان چيخماسين! اين شاآللاه بالارين بهره بارين گؤرسون!
ادامه
تحريم ها
محمد علي نقابي ( استاد سخن)
محراب ومظهر 
كاريز زادگاه
ديزج خليل